太陽報訪問時昌迷你倉“阿Matt”

迷你倉-太陽報訪問時昌迷你倉“阿Matt”

 

Sun世代:客串做臨記 鬼佬為商機
很多人在深宵觀賞電視節目,都會在廣告時段見到一位留skin-head髮型、穿唐裝、戴金絲眼鏡、用「走音」廣東話大大聲嗌電話號碼的「鬼佬」。如果大家記性好,又會發覺在電視劇中,見到這個鬼佬客串演出。但他不是職業演員,奮鬥目標不是銀幕,而是商業戰場。他是其中一間迷你倉公司股東,名叫Matt,有個中文名—陳果華。
阿Matt現任時昌迷你倉董事,也是公司股東之一。「啱啱搞迷你倉嗰時,我哋無乜錢,我同時生(指生意拍檔時景恆)會坐地鐵,佢發現,我講中文嗰時好多人睇住,反應好大,佢就話:不如你做廣告主角啦,睇落特別,好過請明星。」然後兩人決定在深宵時段賣廣告,貪其收費便宜。
嗌得大聲 其實唔惡
公司第一個廣告,阿Matt與十多名同事大大聲嗌出「817××778」的公司電話,十分用力,「聲大夾惡」。「廣告喺柴灣工業區拍攝,由朝早六點鐘拍到十一點幾,汽車愈來愈多,好嘈;我哋拍咗三十幾次,後來愈嗌愈大聲,見到我個樣好惡,其實唔係特登㗎。」
與Jackeline Beauty Salon合作的一輯「crossover」宣傳廣告,更令他廣為人識:「廣告出街嗰排,我喺銅鑼灣行街,好多人認得我,不停有人笑我、搵我影相,完全行唔到街,真係未試過!依家好啲,無咁煩,哈哈哈……」這些「出位」廣告的創作意念,都是阿Matt與時景恒兩人一齊「度橋」,希望每隔半年為觀眾帶來新鮮感。
為捱義氣 拍電視劇
幾年前,他曾現身電視螢光幕,在亞視劇集《香港奇案實錄》中,客串飾演「洋警司」一角。不過,雖然他有很多機會,卻無意與同是澳洲人的河國榮及杜可風一樣,進軍娛樂圈。他對娛樂圈「無乜大興趣」,答應演出純綷是「捱義氣」:「有個朋友幫ATV拍嘢,佢話搵唔到鬼佬,就搵我幫手。」
阿Matt的真正興趣是經商。一九九四年,他自澳洲墨爾本大學商業學系畢業,就返回香港發展,被投資銀行羅致,處理「紅籌」國企到香港及外國上市的工作,同時協助外資公司打入內地市場。阿Matt現時經常在香港、中國內地、澳洲等地穿梭,尋找生意機會。觀眾要一睹他的宣傳廣告,可能以後要透過YouTube才能回味了。
時昌迷你倉於○一年設立,公司規模由油塘工業大廈一個一萬幾呎的單位,壯大至現時的二十八間分店,是香港兩大迷你倉公司之一。
陳果華小檔案
年齡:36歲
學歷:澳洲墨爾本大學商業學系學士、澳洲會計師公會(CPA)會員
現職:時昌迷你倉董事
興趣:睇戲
語言能力:英語、粵語、普通話

您可能也會喜歡…

發佈留言